أعلن النجم ياسر جلال تبرعه بمبلغ ثلاثة ملايين جنيه لصالح صندوق تحيا مصر اليوم، وتعد المرة الأولي التي يقوم فيها النجم ياسر جلال بالإعلان عن تبرع له، وتحديد وجهة التبرع، لكنه حرص على كشف الأسباب.
ياسر جلال قال في بيان له: "المرة ديه بعلن عن الجهة والمبلغ اللي اتبرعت بيه؛ لأني بتمني إن كلنا نشترك ونعمل اللي نقدر عليه، وبدعي زملائي النجوم إنهم يتبرعوا باللي يقدروا عليه، أنا عارف إن في منهم عمل الموضوع قبل كده، بس لو عملوا ده تاني يبقي شيء عظيم".
وتابع قائلا: "يعلم ربنا إن السبب اللي خلاني اعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، انا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بيمر أزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر .
يُذكر أن آخر أعمال النجم ياسر جلال هو مسلسل الاختيار 3 في رمضان الماضي، الذي حقق نجاحا كبيرا، وشاركه البطولة: أحمد السقا، كريم عبد العزيز، وعدد كبير من نجوم الفن.
