ابنة رجاء الجداوي تنفي و ترد على خبر وفاة والدتها الذي إنتشر على السوشيال ميديا بعد تدهور صحتها ودخولها العناية المركزة ووضعها على جهاز التنفس، وقالت من خلال حسابها على الفيسبوك : "ماما في الرعاية المركزة.. ولكن الحمدلله.. لم تفقد الوعي وربنا يحفظها وادعوا لها بالشفاء"، وعادت أميرة إبنة رجاء وصرحت لـ اليوم السابع "والدتي ما زالت بالعناية وأرجو الدعاء بدلا من الشائعات".
آيتن عامر نشرت عبر حسابها على الإنستغرام صورة لـ رجاء الجداوي وعلقت عليها، "ربنا يشفيكى و يعافيكى وترجعى لنا بالف سلامة يا رب ادعولها والنبي.. كل مرة بينتشر خبر غلط قلبنا بيوجعنا وبنبقى هنموت من الخوف ليكون بجد بلاش تنشروا خبر دون التأكد، هتستفيد ايه يعنى لو انت اللى سبقت غيرك بنشر خبر مفجع زى دة ؟؟؟ كدة يعنى انت جامد وجبت التايهه !!!!! ربنا يهديكوا مش هقول ربنا يعمل فيكوا اللى بتعملوه فينا لان بجد دة احساس بشع ، كلما اعصابنا بايظة وتعبانين وقلقانين على حبايبنا واهلنا وولادنا متجيش انت تزودها بخبر ملوش لزمة".
بوسي شلبي كتبت على إنستغرام "رجاء الجداوي بخير"، وأضافت: "ارجوكم احنا كلنا تعبانين احترموا مشاعر بنتها وادعوا لرجاء اي خبر هايكون من بنتها او دكتور اشرف زكي ارجوكم مش وقت اشاعات دلوقتي رجاء الجداوي ربنا معاكي يا غاليه وترجعلنا بالسلامه يارب".
