يبدو أن كندة حنا قرّرت الردّ على من ينتقد دورها في مسلسل "الكندوش" وبعد أن وصفتها احدى الصفحات الفنية بالصمدية في مسلسل "الكندوش" وبأنها بتصبح وبتمسي ومرضية لأبوها قالت كندة حنا "هاد التجييش لي على السوشيال ميديا صار مكشوف اليوم صارو كتير من الناس عاملين حالهم نقاد وهني مجرد أشخاص بيتخبو تحت صفحات وبهاجمو الفنانين لصالح ومقابل مدح فنانين آخرين".
وتابعت كندة حنا في بوست شاركته عبر حسابها على "انستغرام": "نزلو عن كتافنا بلعب الدور لي بيعجبني اذا ما حبيت فيك تنتقد بس الكذب واصدار الشائعات عيب وروح تابع نجماتك المفضلات بس بدك تقلل أدب عشان تطلع على كتافي انت وغيرك في طرقات تانية للنجاح انك تتعب وتتعبي على حالكن بجد، مو تمسح جوخ للفنانة لي عاطيتك وجه والفنانة لي ما عندها وقت لكلامك تقلل أدب عليها".
وأضافت كندة حنا "مو بس الدراما السورية فيها مشاكل صدقو المشاكل صارت بعقول البشر لادراما دراما..ولا نقد نقد..وكل مين بيحكي لي حابب يصدقو وكلو بيركض على مصلحتو بعدين بدو يجي يعطيك محاضرة انو شو لازم تعمل .هاد هو زمن العجايب".
وكانت كندة حنا شاركت منذ ساعات صورة لها جمعتها بسلاف فواخرجي وصباح الجزائري عبر حسابها على "انستغرام" علقت عليها "مع نجمات بلدي الصبوحة وسلاف وانا من كواليس مسلسل #الكندوش يسعد مساكون".
