جدل كبير أثاره فيديو نادين نسيب نجيم، الذي شاركته عبر ستوري حسابها الرسمي في إنستغرام وهي تحمل مشروب من ماكدونالدز، لتعود وتحذفه بعد وقت قليل.
شاهد في ET بالعربي: نادين نجيم تعتذر من الجمهور
وفي التفاصيل، وأثناء عودتها من دبي إلى بيروت، قامت نادين بمشاركة طقوسها قبل صعودها إلى الطائرة، وهي أكل وجبة سريعة من ماكدونالدز، وشاركت فيديو عبر إنستغرام، لتثير حالة كبيرة من الجدل، بين بعض المتابعين الذين استفزهم الفيديو لأنهم مقاطعين لسلسلة المطاعم الشهيرة لإعتقادهم أنها تدعم إسرائيل على حساب ما يحصل لأهالي غزة في الحرب الحالية.
نادين نجيم سارعت وحذفت الستوري، وشاركت فيديو تعتذر فيه من المتابعين، حيث قالت "بعرف إنو إنتو محقونين وبعرف إنو حقكم تعلموا ردة الفعل، im really sorry أنا والله لما حطيت الستوري ما إجا ببالي لا أعمل دعاية لماكدونالدز لأنو ما بيهمني ولا بيعنيلي كشركة، أنا بس حبيت شاركن إنو أنا باكل هيدا الشي أنا وطالعة عالطيارة، ولا إجا ببالي الموضوع متل ما إنتو أخدتوها إنن بيدعموا إسرائيل".
وتابعت نجيم، "نسيت وبعتذر اذا هيدا الشي زعلكم إنتو بتعرفوا إنو إنتو كتير غاليين على قلبي، وانا ما بريد أبداً حدا يزعل ومسامحة كل إنسان كتبلي تعليق بشع لأن ما بيعرفوا قديه أنا شخص كتير داعم للقضية، وكتير متعاطفة ومتضايقة مع كل شي عم بيصير ونحنا كمان مأثرين ببلدنا معكم وحاسين فيكم ولهيك رح إمسح الستوري".
وأضافت، "بليز ما تاخدوها شخصية ما كنت بعنيها متل ما فهمتوها، كان بدي اتغدا وكان هالشي أسرع شي وأنا حدا ما بيكذب وعايشة حياتي بعفوية، وهي ما وقفت على الماكدونالدز بس هو في كتير اشيا عم نستخدمها وبعدها فاتحة ببلادنا هي لشركات نحنا ضد سياستهم".
وختمت نادين نسيب نجيم، برسالة للجمهور قالت فيها، "إنتو بقلبي وأنا بحبكم كتير".
