فاز منتخب البنات المصري لكرة القدم، في مباراة ضد منتخب لبنان، وبعد مشاركة صور للفريق، تعرضت اللاعبات للتنمر من قبل بعض المتابعين على السوشيال ميديا، بألفاظ وصفت بالتحرش اللفظي.
التعليقات المسيئة للبنات في الصور إستفزت ناردين فرج، التي تشارك إبنتها كلاعبة في الفريق، فشاركت ستوري عبر حسابها الرسمي على الإنستغرام، وكتبت "عمري ما كنت أتخيل إني أكتب على بوست، بنتي الصغيرة فيه، إيه التعليقات المهينة دي لبنات عندها 16 و 17 سنة وكمان بتلعب بإسم بلدها حاجة محزنة".
وأضافت ناردين، "تفتكروا منتخب مصر للبنات واللي بنتي واحدة منهم، بيفكروا في ايه بعد ما قروا كل التعليقات الغير مقبوله عليهم بعد الماتش امبارح من شباب بلدهم"، وتابعت "وكل ده علشان هما بنات لأنهم لو كانوا ولاد كانوا نفس الشباب دول نزلوا يهتفوا في الشارع من الفرحة، حاجة محزنة جداً ومقرفة جداً انك تقرا كلام كله قلة ادب وقرف عن بنات زي الفل واحسن واجدع واشطر وانجح من كل واحد شارك في كتابة تعليق وتريقة على بناتنا عيب".
من ناحيتها ومن خلال ستوري شاركته عبر حسابها الرسمي على الإنستغرام، علقت رندا رياض على الموضوع "السكوت على المستوى ده من التفكير والإهانة جريمة"، والإستياء نفسه عبرت عنه هالة مقبل، حفيدة عادل إمام من خلال ستوري على الإنستغرام.
