على الرغم من أن مؤلف العمل محمود حمدان أكد في مداخلة سابقة مع ET بالعربي أن صور سمية الخشاب من مسلسلها الجديد "غالية بـ100 راجل" ليست حقيقة وأنها معدلة! إلا أن التعليقات والإنتقادات لم تتوقف بسبب عدم إقتناع البعض بأن شكل سمية الخشاب في الصور لا يتناسب مع طبيعة الدور الذي تقدمه في العمل وهو إمرأة شعبية بسيطة.
وفي تعليق لها من خلال "ET بالعربي" قالت سمية الخشاب: "اللي نزل ده البرومو التشويقي الأول، والبرومو الأساسي لسه منزلش بيتعمل لسه بمعرفه المخرج إبرام نشأت".
وأضافت :"أنا سعيدة جداً ومتفائلة.. لسه أساساً مفيش حاجة نزلت بس بشاير النجاح هلت يارب يكملنا على خير، والمسلسل جامد أوي والموضوع قوي جداً، والمخرج عامل شغل عالي".
وتابعت سمية الخشاب: "أنا مركزة جداً ومعانا عمالقة في التمثيل منورين العمل يارب التوفيق، واللي حصل ده تشويه متعمد".
وكان محمود حمدان مؤلف مسلسل "غالية بـ100 راجل" قد سبق سمية في التعليق على الموضوع فقال لـ"ET بالعربي":" الصور المتداولة لسمية الخشاب عبر منصات التواصل الاجتماعي ليست حقيقية، ويبدو أنها معدلة بتقنية الذكاء الاصطناعي" وأضاف "أنا مش هحرق القصة طبعاً، لكن أعتقد إن الصور المتداولة الناس عملتها بتقنية لتعديلها، أنا حضرت حاجات في المونتاج، والموضوع مش كده خالص، بالعكس هي عارفة الشخصية اللي بتلعبها كويس قوي ومركزة كويس قوي، هي وكل الممثلين اللي معاها".
وأكد المؤلف محمود حمدان أن سمية الخشاب ستفاجئ جمهورها في رمضان 2024 "هي اجتهدت جداً في التحضير والتصوير، وسيكون المسلسل عودة قوية لها بعد غياب استمر 3 أعوام تقريباً".
مسلسل" غالية بـ100 راجل" يشارك في بطولته عدد كبير من الفنانين إلى جانب سمية الخشاب، أبرزهم محمود عبد المغني، هالة فاخر، سماء إبراهيم، محمد رضوان، نانسي صلاح، أحمد عزمي وآخرين، والعمل من تأليف محمود حمدان، وإخراج إبرام نشأت.
