كشفت منة فضالي، عن معاناتها مع أبوها منذ طفولتها، كونه تركها وهي في عمر الشهرين، وكان يتهرب منها طوال الوقت، رغم محاولاتها المستمرة في تحسين العلاقة معه، قائلة: "عمري ما حسيت أنه بيحبني نهائي، مع أني حاولت أقرب منه بس هو مساعدنيش، كان بعيد طول الوقت".
وأكدت منة فضالي، خلال حوارها مع أميرة بدر في برنامج"VIP"، أنها حاولت التواصل مع والدها مؤخراً عندما كانت في المملكة العربية السعودية، لتقديم عرض مسرحية، حيث يعيش هناك.
وأضافت : عملت حاجات كتير عشان أقرب منه، مهما بتعملي بيكون الموضوع صعب، الحب والمشاعر محدش بيعلمهم لحد، ومن قريب كنت بعمل مسرحية في السعودية وهو عايش هناك … كلمته يجي يقعد معايا، بس حسيت نفسي غصب عني مش قادرة أقعد، وكان مفروض أعزمه على المسرحية لكن نسيت، وسألت نفسي معقول أنسى أعزم أبويا؟.. أنا بحبه وبحترمه كونه مجرد أبويا لكن مش زي أمي".
وأوضحت منة فضالي، أنها عملت بانفصال والدها ووالدتها، بعد عدة سنوات: "أنا جيت بعد معاناة طويلة لماما في الخلفة.. وكانت بتسقط كتير جدًا.. وتعبت عشان تجيبني وجالها حمى نفاس وكانت هتموت وحاجات كتير .. أمي مرتبطة بيا زيادة عن اللزوم وانا كمان.. ماما وبابا كانوا بيحبوا بعض جدًا.. ولحد دلوقتي فيه بينهم احترام.. ووالدي من عيلة كبيرة جدًا.. مثقف ومتعلم تعليم عالي.. وطباخ كويس جدًا".
وقالت إنها اضطرت للارتباط من رجال أكبر منها سنًا، تعويضاً لسنوات غياب والدها عنها، قائلة: "كنت بدور على الارتباط أني ارتبط بناس أكبر مني سنًا، وكنت بدور على الأب في علاقاتي، وكنت مرتبطة بناس أكبر مني بـ30 سنة، وبطلت دلوقت أدور عليه".
كما قالت أنها قابلت والدها لأول مرة بعمر الـ21، وأنها تعرفت على عريس يعيش في أوروبا، وكانت ردة فعل والدها بقوله "خدوها ومش عايز منكم أي حاجة واحنا بنشتري راجل، وقال لأمي هما بيحبوا بعض وخلينا نخلص، ولما العريس حكالي قولتله مستحيل بابا يعمل كده، قالي لأ قالي كده".
منة فضالي تتحدث عن والدتها
وتابعت منة فضالي إنها ممتنة لوالدتها، بسبب وقوفها بجانبها طوال حياتها، متابعة "أمي فقدت بصرها من كام سنة، جالها جلطة في عنيها وعملت كذا عملية، وهي كبرت دلوقت وأنا حاسة إن هي اللي بنتي، وأنا بخاف عليها ونفسي تكون مبسوطة وسعيدة لأنها ضحت بشبابها عشاني".
واستكملت: "لما ماما تعبت بابا اتصل وسأل عليها لأنه كان عنده مشكلة برضو من سنين في عنيه ولكن مش زي والدتي، وماما دلوقت بتشوف بعين وعين لأ".
